- Энэ брэндийн онцлог нь түүнийг үндэслэгчидтэй салшгүй холбоотой.

Тус брэндийг үндэслэсэн Адриано хэмээх хүн бол өөрийн бүтээлээ байнга сайжруулж, хөгжүүлж ирсэн шинэчлэгч, уран бүтээлч хүн байжээ. Эхнэрийнхээ хамт урландаа ажиллан, бүтээгдэхүүнээ дандаа гар аргаар торго, шил гэх мэт эдлэлүүдийг ашиглан урлаж ирсэн байдаг. Тэд урлагийн гайхалтай өндөр мэдрэмжтэй хүмүүс байсан бөгөөд гол амжилтын түлхүүр нь энэ зан чанар нь болов уу. Хийж байгаа бүтээлийнхээ деталь болгонд зүрх сэтгэлээ шингээсэн байдаг. Тэдний бараа бүтээгдэхүүн нь нарийн мэдрэмж шаардахуйц урлагийн бүтээл хэмээгдэн өндөр үнэлэмжтэй, давтагдашгүй болсны нууц нь өөрсдийн бүтээлээ үргэлж хөгжүүлж, төгс болгохын төлөө олон арван жилээр цуцалтгүй хөдөлмөрлөсөнд оршино.

Энэ компанийн хамгийн гол онцлог бол олон зуун жилийн турш уламжлагдаж ирсэн эртний гар урлалууд болох шилэн урлал ба төмрийн урлалыг 1960-70-аад оны үеэс үнэт болон хагас үнэт чулуу, алт, мөнгө, шүр сувд, Сваровски шигтгээ зэргээр чимэглэн бүтээх болсон нь тансаг зэрэглэлийн бүтээлүүдэд шинэ өнгө төрх нэмжээ. Pataviumart-ийн бүтээгдэхүүний хамгийн гол бүрэлдэхүүн хэсгийн нэг бол Италийн өнө эртний түүхтэй Мурано /Murano/ шил юм. Энэ бол Италийн Венеци хотын ойролцоох Мурано арал дээр үүсч өнөөг хүртэл хөгжүүлж ирсэн 1000 гаран жилийн түүхтэй эртний шилэн урлал юм. Тэр урлалын олон зуун жил дамжин хөгжиж, хадгалагдаж ирсэн соёлыг өөрийн бүтээлтэйгээ хослуулсан нь улам сайхан зүйл бүтээх эхлэл болжээ.

- Тус компанийн онцлог нь брэндийн гоёмсог бараа бүтээгдэхүүн гаргахаас гадна интерьер дизайны иж бүрэн шийдэл боловсруулж санал болгодог юм.

Дэлхийн өндөр зэрэглэлийн орд харш, зочид буудлууд, тавилгын дэлгүүрүүд, алдартай одод  бүтээлийг худалдан авдаг. Мөн тавилгын үйлдвэртэй тул тавилга, интерьерийн цогц бүтээлийг, Мөн л хосгүй гоёмсог, чанартай тавилгуудыг үйлчлүүлэгчиддээ санал болгодог юм. Тавилгыг шилэн чимэглэлээр чимж, гайхамшигтай өвөрмөц өнгө, дизайн бүхий тавилга бүтээдгээрээ алдартай. Зөвхөн тухайн худалдан авагчид зориулсан зуун хувь гар аргаар бүтээсэн гэрлэн бүрхүүл, чимэглэл, тавилга бүтээдэг. Манай дэлгүүр (showroom) дээр ирж эдгээр тавилгын зарим хэсгээс сонирхох боломжтой. 

Мөн өрнөдийн олон зуун жилийн түүхтэй урлагийг Монголчууддаа нээж, таниулья гэж зорьсон. Үүнийг ойлгож мэдрэх нь цаг хугацаа шаардагдаж болох ч, Монголчууд маань өрнөдийн уран дархчуултай хамтран ордон гэрээ босгож, тэдний уран бүтээлийг амьдрал ахуйдаа хэрэглэж байсан түүхэн уламжлалтайн дээр сүүлийн үед манай иргэд дэлхийн олон орноор аялж, янз бүрийн соёл, гар урлалтай танилцан амьдралдаа нэвтрүүлэх болжээ. Тиймээс олон жилийн түүхт уламжлал бүхий Итали урлалыг Монголчууддаа мэдрүүлж , ойртуулахыг хүссэн юм.

Pataviumart бол ямар ч өрсөлдөгчгүй давтагдашгүй брэнд юм.